Munaasabad balaadhan oo ay soo agaasimeen maamulka Sare ee Dugsiyada Cumar Binu khadaab Borama laguna abaal marinayay ardaydii ku guulaystay tartankii quraanka kariimka bisha Ramadaan iyo kii kale ee tartan aqooneedka waxbarasho ee dugsiga sare ee Cumar Binu khadab Borama ayaa maanta ka qabsoomay hoolka dugsigaas.Xafladan ayaa waxaa ka soo qayb galay maamulka, macallimiinta, sarkaal sare oo ka socday wasaarada waxbarashada gobolka awdal iyo arday.munaasabadan ayaa intii ay socotay waxaa laga soo jeediyay hadalo u badan mahadnaq iyo dhiiri galin.Tartan aqooneedkii Dugsiga waxaa ku guulaystay qaybta wiilasha Fasalka Form-4A, qaybta gabdhahna waxaa ku guulaytay Fasalka Form-2B.Dhanka tartankii quraanka waxaa ku guulaystay Fasalada Form-4A-4B-2C-1A-1B.Ugu danbayn ayaa waxaa ardaydaas oo dhanayd 33 Arday oo isku jira wiilal iyo Gabdho la gudoonsiiyay abaalmarino iyo shahaadooyin.